Ես պատրաստ եմ անցկացնել նախագահական ընտրություններ․ Զելենսկի

Վլադիմիր Զելենսկին, խոսելով Ուկրաինայում նախագահական ընտրություններ անցկացնելու մասին, հայտարարել է, թե քանի որ այս հարցը բարձրացնում են Միացյալ Նահանգների նախագահը և մեր եվրոպացի գործընկերները, ես կարճ կլինեմ` ես պատրաստ եմ։

«Վաղը ես կլինեմ Ուկրաինայում և սպասում եմ մեր գործընկերներից և օրենսդիրներից առաջարկներ իրավական փոփոխությունների վերաբերյալ, որոնք թույլ կտան ընտրություններ անցկացնել ռազմական իրավիճակում: Ես խնդրում եմ Միացյալ Նահանգներին Եվրոպայի հետ միասին ապահովել քվեարկության անվտանգությունը: Եթե դա արվի, Ուկրաինան կկարողանա ընտրություններ անցկացնել 60 օրվա ընթացքում», — հավելել է նա:

Զելենսկին ասել է, որ ինքը նորից է կրկնում տարիներ առաջ խոսքերը, որ Ուկրաինան կցանկանար վերադարձնել Ղրիմը և միանալ ՆԱՏՕ-ին, սակայն ընդունում է, որ դրա համար պայմաններ ներկայում չկան։

«Մենք հաստատ գիտենք, որ ո՛չ ԱՄՆ-ն, ո՛չ էլ մի շարք այլ երկրներ, անկեղծ ասած, դեռևս չեն տեսնում Ուկրաինային ՆԱՏՕ-ում։ Եվ Ռուսաստանը, իհարկե, երբեք մեզ այնտեղ չի տեսնի», – ասել է Զելենսկին։

Նշենք, որ երեկ Դոնալդ Թրամփը հայտարարել էր, որ Զելենսկին պատերազմը չի դադարեցնում, որովհետև չի ուզում նախագահական ընտրություններ անցկացնել:

«Ժամանակն է Ուկրաինայում նախագահական ընտրություններ անցկացնելու, դրանք արդեն չափազանց երկար ժամանակ չեն անցկացվել»,- Politico–ին տված հարցազրույցում հայտարարել էր Թրամփը։ ԱՄՆ նախագահը նաև ասել է, որ Զելենսկին պետք է հավաքի իրեն և սկսի ընդունել առաջարկները, քանի որ նա մարտի դաշտում պարտվում է: Ավելին, ըստ Թրամփի, վաղուց պարզ էր, որ Ուկրաինան ՆԱՏՕ չի մտնի:

«Ռուսաստանը հաղթում է Ուկրաինայի պատերազմում։ Զելենսկին համոզեց «խաբեբա» Ջո Բայդենին իրեն 350 միլիարդ դոլար հատկացնել։ Տեսեք՝ ինչ ստացավ փոխարենը․ երկրի մոտ 25 տոկոսը կորսված է։

Ուկրաինայի պատերազմում առավելությունը Ռուսաստանի կողմն է եղել և մնում է։ Ուկրաինայի պատերազմը «մեծ խնդիր է Եվրոպայի համար, և նրանք այն լավ չեն կառավարում»,- այսպիսի թեզեր է բարձրաձայնել Թրամփը:

Հետևեք մեզ նաև Telegram-ում