Նոր բաժանորդների համար միացման արժեքն իջեցնելով՝ փորձում են որպես լավություն վաճառել ժողովրդին. Դավիթ Ղազինյան

ՀԷՑ տնօրենի նախկին պաշտոնակատար Դավիթ Ղազինյանը տեսաուղերձ է հրապարակել, որում ասվում է․ «Իշխանությունը հերթական անգամ փորձում է մանիպուլացնել մեր ժողովրդին: Խոսքը վերաբերում է  նոր միացման բաժանորդների վճարներին: Փաստ է, որ իշխանության կողմից կառավարվող, բայց թղթի վրա անկախ հանրային ծառայությունները կարգավորող հանձնաժողովը 2023 թվականի ապրիլից 1-ից բազմակի անգամ թանկացրեց նոր բաժանորդների համար միացման արժեքը»։

Ըստ նրա, հիմա, նոր բաժանորդների համար միացման արժեքը 90 000 իջեցնելով, փորձում են որպես լավություն վաճառել ժողովրդին:  ՀԷՑ տնօրենի նախկին պաշտոնակատարը շեշտեց, որ 90 000 դրամ իջեցնելով՝ ամբողջ միացման արժեքի 35 տոկոսը մնում է ժողովրդի վրա:

«Դա բեռ է լինելու մեր բոլորի կողմից վճարվող սակագնի վրա: Բացի այդ, քաղաքապետարանի որոշմամբ, յուրքանչյուր գծամետր մալուխ անցկացնելու դեպքում  ծառայություն մատուցող ընկերությունները քաղաքապետարանին պետք է 10 000 դրամ վճարեն: Այսինքն՝ քաղաքապետարանն իր տուրքերը չի հանում, որն ընդհանուր միացման արժեի մեջ կազմում է մոտ 20 տոկոսը, բայց այստեղ 35 տոկոսը թողնվում է ժողովրդի վրա»,- նշեց նա:

Հետևեք մեզ նաև Telegram-ում