«Արսենալի» չիլիացի հարձակվող Ալեքսիս Սանչեսը, ով մինչ այդ հանդես է եկել նաև իտալական և իսպանական ակումբներում, համեմատել է իր մասնակցած առաջնությունները։
Ըստ Սանչեսի՝ ԱՆգլիայի առաջնությունը գերազանցում է մյուս երկուսին։
«Այստեղ ֆուտբոլն իսկապես բարդ է, շատ դժվար է խաղալը: Այստեղ հարմարվելու համար պայքարել է պետք։
Սա ամենաբարդն է իմ մասնակցած բոլոր առաջնություններից. ես վայելում եմ մարտահրավերը, բայց այն կարելի է կոչել ինչպես ասես, միայն թե ոչ հեշտ։
Թիմերի միջև տարբերությունն այնքան էլ շատ չէ, մրցաշարային աղյուսակի ստորին հատվածի թիմերը կարող են խնդիրներ ստեղծել առաջատարների համար։
Յուրաքանչյուր խաղում փոքր դրվագները որոշիչ կարող են դառնալ, և ես իրոք սիրում եմ դա. այն քեզ միշտ ձգված է պահում։
Աստիճանաբար հարմարվում եմ թիմակիցներիս, սկսում եմ հասկանալ նրանց, և դա թույլ է տալիս ինձ դաշտում ավելի հանգիստ զգալ,-Սանչեսի խոսքերն է մեջբերում «AS»-ը։
