«168 ժամ». «Viasphere» տեխնոպարկի օգտին բռնագանձել 1,074,213 դոլար

«ԱՄՆ Առաջին ատյանի դաշնային դատարանը հոկտեմբերի վերջին ավարարեց «Viasphere International» վենչուրային ընկերության հայցն՝ ընդդեմ իր նախկին ենթակայի՝ Արամ Վարդանյանի, և վճռեց «Viasphere»-ի օգտին բռնագանձել 1,074,213 դոլար: Արամ Վարդանյանը հայաստանյան «Viasphere» տեխնոպարկի տնօրենն էր, որի 100% բաժնետոմսերը պատկանում են «Viasphere lnternational»-ին: «Viasphere International» ընկերության հիմնադիր-նախագահ, ամերիկահայ գործարար Թոնի Մորոյանը «168 ժամի» հետ զրույցում ասել է, որ այդ վճիռը շատ կարևոր էր:

«Դրանով ցույց տվեցինք, որ ՀՀ-ում գործունեություն իրականացնող ամերիկյան ներդրողները կարող են պաշտպանել իրենց ներդրումները՝ դատական պաշտպանություն հայցելով ինչպես՝ ԱՄՆ-ում, այնպես էլ՝ ՀՀ-ում»: Դատական գործընթացը դեռ չի ավարտվել, գործի մի մասով դատավարություն է լինելու նաև ՀՀ-ում: Թ. Մորոյանը վստահ է, որ այստեղ էլ կհաղթեն, և կարծում է, որ այդ գործն օրինակ է լինելու մյուս ներդրողների համար»,–գրում է թերթը։

Մանրամասները՝ թերթի այսօրվա համարում։