Նոյեմբերի 17-ին ՀՀ սպորտի և երիտասարդության հարցերի նախարար Գաբրիել Ղազարյանն աշխատանքային այցով մեկնելու է Գեղարքունիքի մարզ: Այս մասին տեղեկացնում է նախարարության պաշտոնական կայքը:
Նախատեսվում է նախարարի հանդիպումները Գեղարքունիքի մարզպետ Ռաֆիկ Գրիգորյանի, Գավառի քաղաքապետ Գուրգեն Մարտիրոսյանի, ինչպես նաև մարզի սպորտի ոլորտի ներկայացուցիչների ու պատասխանատուների հետ:
Նախարարը լինելու է նախարարության ենթակայության Սևանի ջրային մարզաձևերի մանկապատանեկան մարզադպրոցում, այցելելու է քաղաքապետարանների ենթակայությամբ գործող Սևանի, Վարդենիսի, Մարտունու, Գավառի և Սարուխանի մարզադպրոցներ:
Գաբրիել Ղազարյանը և մարզպետի տեղակալ Անդրանիկ Հակոբյանը ծաղիկներ են դնելու պատերազմում զոհված գավառցիների հիշատակը հավերժացնող հուշարձանին:
