Անգլիայի հավաքականի նախկին հարձակվող Ալան Շիրերը կարծիք է հայտնել, որ «Մանչեսթեր Յունայթեդի» առաջատար Ուեյն Ռունին մեծ ֆուտբոլիստ չէ՝ ի տարբերություն Լիոնել Մեսսիի և Կրիշտիանու Ռոնալդուի, ովքեր հանդես են գալիս «Բարսելոնայում» և «Ռեալում»։ Եվրոպայի 2016 թ. առաջնության որակավորման փուլի այսօրվա հանդիպումը Ռունիի համար 100-րդն է լինելու Անգլիայի հավաքականի կազմում։
-Կարծում եմ, որ «մեծ» բառը մեր օրերում չափազանց շատ են օգտագործում։ Չես վիճի այն բանի հետ, որ Կրիշտիանու Ռոնալդուն ու Լիոնել Մեսսին մեծություներ են։ Բայց ես չեմ կարող նույն բանն ասել Ուեյն Ռունիի մասին։ Շատ լավ ֆուտբոլիստ՝ այո, բայց եթե վերցնենք այդ երկու ֆուտբոլիստներին՝ որպես մեծ ֆուտբոլիստների օրինակ, ապա չեմ կարծում, թե նա այդ մակարդակին համապատասխանում է,-Շիրերի խոսքերն է մեջբերում «BBC»-ն։
