Աշխարհի առաջին ռակետ Նովակ Ջոկովիչը, ով Լոնդոնում ընթացող ATP ամփոփիչ մրցաշարի կիսաեզրափակիչ փուլում հաղթեց Կեի Նիսիկորիին և եզրափակչի ուղեգիր նվաճեց, խաղի վերաբերյալ իր մեկնաբանությունն է տվել և հայտարարել է, որ ամեն ինչ անելու է առաջիկա խաղում ևս հաղթելու համար:
«Առաջին և երրորդ սեթերն ընթացան այնպես, ինչպես ես ցանկանում էի: Երկրորդ սեթում կորցրել էի հավասարակշռվածությունս: Կեին ավելի լավ էր խաղում, այնպիսի հարվածներ էր կատարում, որոնք ավելի վաղ չէր կատարել: Նիսիկորին այս պահին ամենաարագ և տաղանդավոր թենիսիստներից մեկն է: Նա վտանգավոր է ցանկացած ծածկույթով կորտերում:
Երբ դուք սկսում եք հարվածների ժամանակ չկենտրոնանալ, նա ճնշում է գործադրում մատուցումների միջոցով: Սպասվում է վերջին խաղն այս մրցաշրջանում, և ես կտամ ամբողջ ուժես հաղթելու համար»,-Ջոկովիչի խոսքը մեջբերել է մրցաշարի պաշտոնական կայքը:
Հիշեցնենք, որ եզրափակիչ փուլում Նովակ Ջոկովիչը մրցելու է շվեյցարացի Ռոջեր Ֆեդերերի հետ:
