Ալի Լարիջանիի սպանությունը չի ազդի երկրում իշխանության կայունության վրա․Աբբաս Արաղչի

«Al Jazeera»-ին տված հարցազրույցում Իրանի արտգործնախարար Աբբաս Արաղչին հայտարարել է, որ Ալի Լարիջանիի սպանությունը չի ազդի երկրում իշխանության կայունության վրա։

«Ես չեմ հասկանում, թե ինչու ամերիկացիներն ու իսրայելցիները դեռ չեն գիտակցել, որ Իրանի Իսլամական Հանրապետությունն ունի հզոր քաղաքական կառուցվածք։ Մեկ անձի առկայությունը կամ բացակայությունը չի ազդում այս կառուցվածքի վրա»,- ասել է նա։

Արաղչին նշել է, որ Իրանը մտադիր է ԱՄՆ-ի և Իսրայելի հետ պատերազմի ավարտից հետո մշակել Հորմուզի նեղուցով նավերի անցման նոր կանոններ:

«Պատերազմի ավարտից հետո անհրաժեշտ է մշակել Հորմուզի նեղուցի կարգավորման և դրանով նավերի անցման կարգի նոր մեխանիզմներ՝ այս ջրային տարածքում մշտական հիմունքներով անվտանգ նավագնացություն ապահովելու համար՝ հստակ կանոնների հիման վրա, հաշվի առնելով Իրանի և ողջ տարածաշրջանի շահերը», —  ասել է Արաղչին:

Թեհրանն իր հերթին, պատասխանելով ԱՄՆ-ի ագրեսիային, չի սահմանափակվում միայն նրանց բազաներով. հարվածներ է հասցնում նաև ամերիկյան այլ օբյեկտների: Այնուամենայնիվ, Իրանը հարվածներ չի հասցնում հարևան երկրների քաղաքացիական օբյեկտներին:

Հետևեք մեզ նաև Telegram-ում