Ինքնորոշման համար կենտրոնական իշխանությունների թույլտվությունը չի պահանջվում. Պուտին
Նմանատիպ
Ռուսաստանի նախագահ Վլադիմիր Պուտինը ոչ համարժեք է համարում Արեւմուտքի արձագանքը ՌԴ-ին Ղրիմի միանալը, որովհետեւ Մոսկվան գործել Է ըստ Կոսովոյի նախադեպի, տեղեկացնում է «Արմենպրես»-ը:
«Մենք տեղի ունեցածի նկատմամբ Արեւմուտքի այդ արձագանքը միանգամայն ոչ համարժեք ենք համարում»,-հայտարարել է պետության ղեկավարը գերմանական ARD հեռուստաալիքին տված հարցազրույցում:
«Երբ մենք պահանջներ ենք լսում այն բանի կապակցությամբ, թե Ռուսաստանը խախտել Է միջազգային իրավունքը, ապա դա ինձ մոտ, զարմանքից բացի, ոչ մի այլ բան չի առաջացնում»,-ասել Է Պուտինը: «Եվ հետո մենք ունենք վառ ու թարմ նախադեպ՝ Կոսովոյի նախադեպը»,-Ռուսաստանի ղեկավարը հիշեցրել Է Միջազգային դատարանի որոշման մասին, որով Կոսովոն ինքնորոշվելու իրավունք ունի:
Պուտինն ընդգծել Է, որ այդ որոշման մեջ «ասվել Էր ամենագլխավորը՝ ինքնորոշման հարցը լուծելիս որոշակի տարածքում բնակվող ժողովուրդը չպետք Է հարցնի իր պետության կենտրոնական իշխանությունների կարծիքը»:
«Ինքնորոշման համապատասխան ընթացակարգեր անցկացնելու համար երկրի կենտրոնական իշխանությունների, կառավարության թույլտվությունը չի պահանջվում: Ահա ինչն Է ամենագլխավորը»,-նշել Է նա:
Ռուսաստանի նախագահը հավելել Է, որ «Ղրիմում ոչ մի այլ բան չի արվել, քան այն, ինչ արվել Է Կոսովոյում»: «Ես խորապես համոզված եմ, որ Ռուսաստանը միջազգային իրավունքի ոչ մի խախտում թույլ չի տվել»,-հայտարարել Է Պուտինը, հաղորդել Է ՏԱՍՍ-ը:
Հետևեք մեզ նաև Telegram-ում