Խարգ կղզու գրավnւմը նկատելիորեն կարող է բարձրացնել դրանք․ Վարդան Ոսկանյան
30/03/2026 23:12
Կարդացեք նաև
Իրանագետ Վարդան Ոսկանյանը գրում է․ «ԱՄՆ նախագահի հերթական սպառնալից գրառումը Պարսից ծոցում գտնվող իրանական Խարգ կղզին գրավելու մասին, եթե նույնիսկ տեղի ունենա, ապա, ըստ էության, ոչինչ չի փոխի Հորմուզի նեղուցի ճակատագրում։
Մոտ 25 քառակուսի կիլոմետր տարածքով այս կղզու միջոցով է արտահանվում Իրանի նավթի առյուծի բաժինը, սակայն այդ նավթը, միևնույն է՝ պետք է անցնի Հորմուզի նեղուցով, որպեսզի մտնի միջազգային շուկա, իսկ նեղուցը կառավարվում է Իրանի կողմից։
Այնպես որ, բացի նման գործողության՝ ԱՄՆ-ի համար ռազմական ռիսկերից, կղզու գրավումը ոչ միայն չի իջեցնի նավթի համաշխարհային գները, այլ ընդհակառակը՝ նկատելիորեն կարող է բարձրացնել դրանք։ Հետեւաբար նման ճանապարհով գնալն այս պահին խոշոր հաշվով ստեղծելու է միայն էլ ավելի փակուղային իրավիճակ»։
Հետևեք մեզ նաև Telegram-ում