Բրազիլիայի հավաքականի և «Բարսելոնայի» հարձակվող Նեյմարը վստահ է, որ «Պարի Սեն Ժերմենի» պաշտպան Տյագո Սիլվայի վերջին հայտարարությունը չի ազդելու իրենց ընկերության վրա:
Հիշեցնենք` Սիլվան դժգոհություն էր հայտնել, որ Բրազիլիայի հավաքականի ավագի թևկապն իրենից խլել և հանձնել են Նեյմարին առանց զգուշացնելու:
«Ես նրան ասել եմ, որ ձևակերպումներ անելիս պետք է զգույշ լինի: Տյագոն ինձ զանգահարել է իրավիճակը քննարկելու համար: Այս դրությունը մեր ընկերությունը կասկածի չի ենթարկի:
Նրան ասել եմ, որ թեմայի վերաբերյալ մեկնաբանություն չեմ տա, քանի դեռ ավագ եմ: Ես չպետք է խոսեմ այդ մասին: Ինձ համար ավագի թևկապը գերնպատակ չէ: Չեմ ցանկանում ամեն գնով կրել ավագի թևկապը»,-հայտարարել է Նեյմարը:
