Իշխանությունները փոխանակ պայքարեն ատելության կամ խտրականության խոսքի դեմ, հիմնականում իրենք են դառնում այն սնուցողը. Գեղամ Ստեփանյան
Կարդացեք նաև
Հայաստանում արցախցիների նկատմամբ ատելության խոսքի կամ խտրական վերաբերմունքի դրսևորումներին բախվել ենք հենց առաջին իսկ օրերից։ Այս մասին արցախցիների նկատմամբ ատելության խոսքի և խտրական վերաբերմունքի դրսևորումների շուրջ պանելային քննարկման ժամանակ ասել է Արցախի ՄԻՊ Գեղամ Ստեփանյանը։
«Արցախի կորստից հետո Հայաստանի իշխանությունների նպատակն էր ամեն գնով մեղադրել մարդկանց Արցախի կորստի հարցում։ Դրսևորումներից մեկը հենց դա էր՝ զոհին մեղադրելը, «Արցախը թողնել փախչելու» մեջ մեղադրելը, թե Ազգային ժողովի նախագահի մեղադրանքները, թե վերջին՝ մետրոյի դեպքը, երբ ամբողջությամբ մերկացվեց նրանց պրոպագանդան, որի հետևում բացահայտ տեսանք թե ո՞վ և ովքե՞ր են կանգնած։ Այդ ամենն իրականացվում է պետական իշխանությունների կողմից անթաքույց կերպով և տարածվում իշխանական մեդիառեսուրսներով և նաև նրանց սպասարկող կեղծ կամ իրական օգտահաշիվներով»,- ասել է Գ. Ստեփանյանը։
Արցախի ՄԻՊ-ը նշել է, որ երկրորդ նարատիվն անշնորհակալ լինելն է, որը նույնպես կար մետրոյում տեղի ունեցած միջադեպում։