Իսպանիայի հավաքականի գլխավոր մարզիչ Վիսենտե դել Բոսկեն ընդգծել է, որ իր վերջին հայտարարությամբ չի սպառնում «Չելսիի» հարձակվող Դիեգո Կոստային և Սեսկ Ֆաբրեգասին: Հիշեցնենք, որ դել Բոսկեն նշել էր` հնարավոր է` այս ֆուտբոլիստները զրկվեն հավաքականում իրենց տեղից:
«Երբ մի ֆուտբոլիստ լավ է խաղում, մյուսի համար դժվար է լինում խաղալ այդ նույն դիրքում: Եթե ես ասում եմ, որ Ֆաբրեգասը և Կոստան պետք է աշխատեն, որպեսզի Իսպանիայի հավաքականում տեղ ունենան, դրանով չեմ սպառնում: Ես ռևանշի չեմ հասնում և ոչ ոքի ոչ մի ձև չեմ պատասխանում: Իմ խոսքերն արտացոլում են փաստերը, որոնք բոլորս գիտենք»,-Վիսենտե դել Բոսկեի խոսքը մեջբերված է «AS»-ից:
