Լոնդոնում Ադրբեջանի դեսպանատան դիմաց ցույց է իրականացվել
18/11/2014 13:17
Նմանատիպ
Իրավապաշտպանների և լրագրողների հասարակական կազմակերպությունների կոալիցիան բողոքի ակցիա է իրականացրել Լոնդոնում Ադրբեջանի դեսպանատան դիմաց: Այս մասին տեղեկացնում է ադրբեջանական Contact.az-ը:
«Այսօր մենք վառել ենք հարյուր մոմ Ադրբեջանում ազատազրկված հարյուր քաղբանտարկյալների համար»,- ֆեյսբուքյան իր էջում գրել է ցույցի մասնակից իրավապաշտպան Ռամուտե Ռեմեյզայտեն: Նա նշել է, որ նմանօրինակ ակցիաներ անց են կացվում եվրոպական տարբեր երկրներում: Իրավապաշտպանն ուշադրություն է հրավիրել այն փաստի վրա, որ այսօրինակ ցույցեր երբեք հնարավոր չէր լինի անցկացնել Ադրբեջանում:
Ավելի վաղ ադրբեջանցի քաղբանտարկյալներին ազատելու կոչերով Ադրբեջանի դեսպանատների դեմ ցույցեր էին տեղի ունեցել Վարշավայում, Բրյուսելում և այլուր:
Հետևեք մեզ նաև Telegram-ում