«Մանչեսթեր Յունայթեդի» կիսապաշտպան Անխել դի Մարիան վնասվածք է ստացել Պորտուգալիա-Արգենտինա ընկերական հանդիպման ժամանակ: Այս մասին հետխաղյա մամուլի ասուլիսի ժամանակ ասել է Արգենտինայի հավաքականի գլխավոր մարզիչ Խերարդո Մարտինոն:
«Չեմ կարծում, թե շատ լուրջ վնասվածք է: Այո՛, Նանին և Անխելն իսկապես վատ բախվեցին, ու վերջինս ցավալի հարված ստացավ: Մենք դեռ կգնահատենք իրավիճակը: Անխելը պետք է բժշկական հետազոտության ենթարկվի, բայց դժվար թե լուրջ վնասվածք լինի»,-ասել է Մարտինոն:
Այսպիսով` դեռ հայտնի չէ` Անխել դի Մարիան կկարողանա՞ մասնակցել Անգլիայի առաջնության 12-րդ տուրի` «Արսենալի» հետ արտագնա խաղին:
