ԱՄՆ-ի հետ բանակցություններ չկան, բանակցություններն ընթանում են միայն Պակիստանի միջնորդությամբ․ Էսմայիլ Բաղայի
Կարդացեք նաև
Իրանի արտաքին գործերի նախարարության մամուլի խոսնակ Էսմայիլ Բաղային հայտարարել է, որ Թեհրանը ներկայումս որևէ ուղղակի բանակցություն չի վարում ԱՄՆ-ի հետ։
Նրա խոսքով՝ միակ բանակցությունները, որոնք ընթանում են, իրականացվում են Պակիստանի կողմի միջնորդությամբ։ Բաղային ընդգծել է, որ եթե որևէ նոր բանակցային գործընթաց սկսվի, դրա մասին պաշտոնապես և թափանցիկ կերպով կհայտարարվի։
Խոսելով ԱՄՆ-ի քաղաքականության մասին՝ նա նշել է, որ Վաշինգտոնը չի ցուցաբերում լուրջ մոտեցում պատժամիջոցների վերացման հարցում՝ ընդգծելով հակասությունը հայտարարությունների և իրական գործողությունների միջև։
Բաղային նաև հայտարարել է, որ ԱՄՆ-ը ոչ միայն չի մեղմացնում պատժամիջոցները, այլ հակառակը՝ դրանք ավելի է խստացնում։
Նրա խոսքով՝ ամերիկյան կողմի գործողությունները երբեմն անցնում են տնտեսական ճնշման սահմանները, և նա դրանք բնորոշել է որպես «ծովահենություն և իրանական նավերի դեմ ծովային բռնագրավումներ»։
Իրանի արտաքին գործերի նախարարության խոսնակը կրկին ընդգծել է, որ երկիրը պատրաստ է բանակցությունների միայն հավասար և թափանցիկ պայմաններում, սակայն ներկայիս իրավիճակում ԱՄՆ-ի հետ ուղիղ երկխոսություն չի ընթանում։
Հետևեք մեզ նաև Telegram-ում