Պորտուգալիա-Արգենտինա խաղում շատերի համար առաջնային էր ոչ թե հաշիվը, Ֆերնանդու Սանտուշի և Խերարդո Մարտինոյի ընտրած մարտավարությունը, այլ Ռոնալդու-Մեսսի պայքարը:
Խաղը վառ չստացվեց: Ռոնալդուն, կարծես, այնքան էլ տարված չէր լավագույն ֆուտբոլը ցուցադրելու գաղափարով. նա մի քանի հնարքներ կատարեց, մեկ հիշարժան հարված կատարեց մրցակցի դարպասին:
Մեսսին ևս առանձնակի չփայլեց, սակայն երբեմն-երբեմն «վախեցնում էր» պորտուգալացիներին:
Հավաքականների առաջատարները մնացել էին իրենց թիմակիցների ստվերում: Արգենտինայի կազմում առավել տպավորիչ էր Անխել դի Մարիան: Նրա փոխարինումից հետո Բետուի դարպասի մոտ վտանգավոր պահերը զգալիորեն քչացան:
Լավ խաղի համար Անխել դի Մարիան «պատժվեց» Նանիի հետ ցավալի բախումով:
Իսկ ձախ եզրում բավականին ակտիվ էր Կրիստիան Անսալդին. նա անընդհատ վտանգավոր փոխանցումներ է կատարում:
Անխել դի Մարիայի խաղը հաջողվում էր չեզոքացնել նրա նախկին թիմակցին` Պեպեին:
Պորտուգալիայի հավաքականին հաղթանակ պարգևեցին փոխարինման դուրս եկած ֆուտբոլիստները: Մրցավարի ավելացրած ժամանակահատվածում Կուարեժմայի փոխանցումից հետո աչքի ընկավ Ռաֆայել Գերրեյրոն:
Արգենտինայի հավաքականի երկրպագուների համար այս խաղի արդյունքը շատ ցավալի էր, քանի որ նրանց սիրելի ֆուտբոլիստնեը գրոհում էին ամբողջ խաղի ընթացքում և գնդակ բաց թողեցին վերջին րոպեին: Բացի այդ` Նանիի հետ բախումից հետո Անխել դի Մարիան վնասվածք է ստացել: Սակայն «Օլդ Թրաֆֆորդում» կայացած հանդիպման հիշարժան դրվագներն այդքանով չսահմանափակվեցին.
