Կիևը հարվածած ռուսական հրթիռներում հայտնաբերվել են արևմտյան բաղադրիչներ․ FT

Ռուսական այն հրթիռները, որոնցով հինգշաբթի հարվածներ էին հասցվել Կիևին, պարունակել են արևմտյան արտադրության բաղադրիչներ։ Այս մասին հայտնում է Financial Times–ը՝ հղում անելով ուկրաինացի մասնագետների և անկախ փորձագետների տվյալներին։

Նրանց գնահատմամբ՝ Х-101 տեսակի թևավոր հրթիռներից յուրաքանչյուրում հայտնաբերվել է ավելի քան 100 օտարերկրյա դետալ, այդ թվում՝ ԱՄՆ-ի, Գերմանիայի և Նիդերլանդների ընկերությունների արտադրած միկրոչիպեր։

Հոդվածում նշվում է, որ որոշ բաղադրիչներ արտադրվել են արդեն այն ժամանակ, երբ Ռուսաստանի դեմ արևմտյան պատժամիջոցներն ուժի մեջ էին, ինչը, ըստ փորձագետների, կարող է վկայել սահմանափակումների շրջանցման մասին։

Հիշեցնենք, որ հինգշաբթի գիշերը Կիևի բնակելի շենքերից մեկի վրա ռուսական հարվածի հետևանքով զոհվել էր 24 մարդ, այդ թվում՝ երեք երեխա։

Հետևեք մեզ նաև Telegram-ում