Պուտինն ու Էրդողանը կպայմանավորվեն «նոր կողմնորոշիչների» մասին
Նմանատիպ
Ռուսաստանի Դաշնության Նախագահ Վլադիմիր Պուտինը դեկտեմբերին կհանդիպի Թուրքիայի Նախագահ Ռեջեփ Թայիփ Էրդողանի հետ` պայմանավորվելու համար համագործակցության «նոր կողմնորոշիչների» մասին:
Ինչպես հաղորդում է «Արմենպրես»-ը` վկայակոչելով «ՌԻԱ Նովոստի»-ն, արտասահմանյան պետությունների դեսպաններին հավատարմագրեր հանձնելու արարողության ժամանակ Պուտինը նշել է, որ Թուրքիայի հետ հարաբերությունները որակապես նոր մակարադակ են դուրս եկել, իսկ որոշ ոլորտներում` ամենից առաջ էներգետիկայում, ռազմավարական բնույթ են ձեռք բերել:
«Նշեմ, որ Թուրքիայի Նախագահ Ռեջեփ Թայիփ Էրդողանի հետ մենք սերտ փոխհամագործակցություն ենք կարգավորել: Հույս ունենք, որ դեկտեմբերին նախատեսվող բարձրագույն մակարդակի համագործակցության Խորհրդի նիստում մենք համատեղ կորոշենք դինամիկ առաջ շարժվելու համար նոր կողմնորոշիչները», -ասել է Պուտինը` ընդունելով ՌԴ-ում Թուրքիայի նոր դեսպանի հավատարմագրերը:
Միջազգային մամուլն ավելի վաղ հայտնել էր, որ Ռուսաստանի դեմ արեւմտյան երկրների պատժամիջոցները եւ ռուբլու արժեզրկումը Թուրքիայի տնտեսությունը տանում են ճգնաժամի:
Հետևեք մեզ նաև Telegram-ում