Պորտուգալիայի հավաքականի գլխավոր մարզիչ Ֆերնանդու Սանտուշը բացատրել է, թե ինչու է Արգենտինայի հետ ընկերական խաղի ընդմիջման ժամանակ փոխարինել թիմի առաջատար Կրիշտիանու Ռոնալդուին: Հիշեցնենք, որ նոյեմբերի 18-ին, Մանչեսթերի «Օլդ Թրաֆֆորդ» մարզադաշտում կայացած Պորտուգալիա-Արգենտինա հանդիպումն ավարտվեց Սանտուշի թիմի նվազագույն հաշվով հաղթանակով:
«Կրիշտիանուն շատ խաղերի է մասնակցում: Կրիշտիանուին փոխարինել եմ, քանի որ նա ինձ ասաց` շատ է հոգնել, իսկ շաբաթ օրը «Ռեալի» կազմում է խաղի մասնակցելու: Այլ հոգնած ֆուտբոլիստներ էլ կային, սակայն չէի կարող բոլորին փոխարինել: Արդյունքում որոշեցի փոխարինել այն ֆուտբոլիստներին, ովքեր Չեմպիոնների լիգայում շատ խաղերի են մասնակցում»,-ասել է Սանտուշը:
Հավելենք, որ 2014-15թթ. մրցաշրջանում Կրիշտիանու Ռոնալդուն արդեն մասնակցել է 25 խաղի` ներառյալ հավաքականի ընկերական հանդիպումները:
