Իսպանիայի հավաքականի գլխավոր մարզիչ Վիսենտե դել Բոսկեին դուր չի եկել Մադրիդի «Ռեալի» պաշտպան Սերխիո Ռամոսի` հավաքականում թիմակիցներ Դիեգո Կոստայի և Սեսկ Ֆաբրեգասի վերաբերյալ արած հայտարարությունը:
Հիշեցնենք` վերջերս Ռամոսը նշել էր, որ ազգային ընտրանու հրավերը մերժելու համար վերոնշյալ ֆուտբոլիստները պետք է հրապարակավ բացատրություն տան:
«Սերխիո Ռամոսը սխալվել է: Նա չպետք է որևէ բան ասեր Կոստայի և Ֆաբրեգասի վերաբերյալ»,-ասել է դել Բոսկեն իսպանական «Radio 4G» ռադիոկայանի եթերում:
