Գեղարքունիքի մարզի բոլոր ճանապարհները եւ Վարդենյաց լեռնանցքը անցանելի են

Գեղարքունիքի մարզի միջպետական, հանրապետական ու համայնքային նշանակության բոլոր ճանապարհներին նոյեմբերի 27-ի ընթացքում պահպանվել է անցանելիությունը. ավելին` չնայած օրվա ընթացքում տեղացած ձյանը, ցերեկվա տաք եղանակի ազդեցության տակ հալվել է գիշերվա ընթացքում ճանապարհներին ձեւավորված մերկասառույցի շերտը: Ինչպես «Արմենպրես»-ին տեղեկացրեց Գեղարքունիքի մարզպետարանի աշխատակազմի քաղաքաշինության վարչության տրանսպորտի եւ կապի բաժնի վարիչ Գեւորգ Խաչատրյանը, դեռ գետնի վրա չնստած, հալվում է նաեւ նոր տեղացող ձյունը: Սեւան-Մարտունի-Գետափ միջպետական ճանապարհի անցանելիությունը պահպանվել է նաեւ Վարդենյաց լեռնանցքում, որտեղ թեեւ չի հալվել մերկասառույցը, բայց հաջողվել է ապահովել երթեւեկությունը ինչպես անցած գիշերվա, այնպես էլ ցերեկվա ընթացքում: Մարզի տարածքում նստած ձյան շերտը կազմում է մինչեւ 10, Վարդենյաց լեռնանցքում՝ մինչեւ 30 սանտիմետր:

Խոսրով Խլղաթյան

Հետևեք մեզ նաև Telegram-ում