Լոնդոնի«Արսենալի» գլխավոր մարզիչ Արսեն Վենգերը կարծիք է հայտնել, որ կիսապաշտպան Ջեք Ուիլշերը կարող է հրաշայի կարիերա ունենալ, եթե կարողանա խուսափել վնասվածքներից։ 22-ամյա ֆուտբոլիստն այս շաբաթ ծնկի վիրահատության է ենթարկվել։
-Կարծում եմ՝ նա դաշտ կվերադառնա փետրվարի վերջին կամ մարտի սկզբին։ Եթե Ջեքին այլևս չանհանգստացնեն վնասվածքները, ապա նրան գերազանց կարիերա է սպասվում։ Մի տարի առաջ ես ավելի լրջորեն էի անհանգստանում, քան հիմա։ Այն ժամանակ նա երկու կամ երեք վիրահատություն տարավ։ Ինչ-որ փուլում նրա առողջությունը կարող էր հարցեր առաջացնել, բայց հիմա ես ավելի քան վստահ եմ, որ նա կիրացնի իր ներուժը և հնարավորությունները,-Վենգերի խոսքերը մեջբերված են «Արսենալի» պաշտոնական կայքից։
