Մոուրինյո. «Ոսկե գնդակի» նման մրցանակները լավ չեն ֆուտբոլի համար

«Չելսիի» գլխավոր մարզիչ Ժոզե Մոուրինյոն խոսել է «Ոսկե գնդակի» հանդեպ իր ոչ այնքան դրական վերաբերմունքի մասին։

-Այնպիսի մրցանակները, ինչպիսին է «Ոսկե գնդակը», չես ասի, թե շատ լավ են ֆուտբոլի համար։ Բանն այն է, որ այդ մրցանակի պատմությունը հաճախ, թվում է, աստղերի դերը մեծացնելու, նրանց մյուսներից բարձր դասելու, ավելի կարևոր դեր վերագրելու է հանգեցնում։ Դա այն մշակույթը չէ, որը մենք դավանում ենք «Չելսիում»։

Կարծում եմ՝ «Ոսկե գնդակին» արժանանալը նշանակում է, որ ողջ թիմը հոյակապ է աշխատում, բայց մեր թիմի խառնվածքն այնպիսին է, որ ամենևին չենք մտածում այդ մասին։ Մենք տարված չենք այդ մրցանակով։ Ֆաբրեգասը կամ Ազարն առաջին հերթին մտածում են թիմին օգտակար լինելու մասին,-վստահ է Մոուրինյոն։