«Բարսելոնայի» գլխավոր մարզիչ Լուիս Էնրիկեն կարծում է, որ 2014 թվականի լավագույն ֆուտբոլիստը Լիոնել Մեսսին է: Արգենտինացի հարձակվողը, ով արդեն 4 անգամ արժանացել է այդ մրցանակին, հայտնվել է «Ոսկե գնդակի» թեկնածուների ընդլայնված ցանկում, իսկ դեկտեմբերի 1-ին ՖԻՖԱ-ն հրապարակելու է 3 հիմնական թեկնածուների անունները:
«Մադրիդի «Ռեալը» պայքարու՞մ է, որ այդ մրցանակը ստանա Ռոնալդուն: Ըստ իս, լավագույն ֆուտբոլիստը Մեսսին է, և հենց նա է արժանի «Ոսկե գնդակին»»,-Էնրիկեի խոսքը փոխանցում է կատալոնական ակումբի մամուլի ծառայությունը:
Հիշեցնենք, որ վերջերս ՈւԵՖԱ-ի նախագահ Միշել Պլատինին հայտարարել է, որ «Ոսկե գնդակը» պետք է ստանա աշխարհի չեմպիոն Գերմանիայի հավաքականի ֆուտբոլիստներից որևէ մեկը, իսկ «Ռեալն» այդ առիթով պաշտոնական հաղորդագրություն էր տարածել:
