Բենզինի եւ դիզ. վառելիքի գները նոյեմբեր ամսին նվազել են

2014թ. նոյեմբերին հոկտեմբերի համեմատ բենզինի և դիզելային վառելիքի գները հանրապետությունում նվազել են համապատասխանաբար 3.3% և 1.3%-ով: 2014թ. նոյեմբերին 2013թ. նոյեմբերի համեմատ բենզինի և դիզելային վառելիքի գները նվազել են համապատասխանաբար 6.1% և 4.1%-ով, իսկ 2013թ. դեկտեմբերի համեմատ` 5.9% և 4.0%-ով: Այս մասին տեղեկանում ենք ՀՀ Ազգային վիճակագրական ծառայության մամուլի հաղորդագրությունից: 
Միեւնույն ժամանակ, ըստ հաղորդագրության, Հանրապետության դիտարկված 9 քաղաքներում 2014թ. նոյեմբերին հոկտեմբերի համեմատ ոչ պարենային ապրանքների գներն աճել են 0.1-1.3%-ով, իսկ երկուսում գրանցվել է 0.2-0.1% գնանկում: Մայրաքաղաքում ոչ պարենային ապրանքների գներն աճել են 1.3%-ով:

Ինչ վերաբերում է ծառայությունների սակագներին, ապա, բնակչությանը մատուցված ծառայությունների ոլորտում 2014թ. նոյեմբերին հոկտեմբերի համեմատ արձանագրվել է սակագների 0.2% նվազում, ինչը հիմնականում պայմանավորվել է հանրային սննդի` 1.7%, բուժսպասարկման՝ 0.6%, տրանսպորտի՝ 0.6% ծառայությունների սակագների նվազումով: Միաժամանակ, հանրապետությունում գրանցվել է կենցաղային բնույթի՝ 0.2%, կրթության
համակարգի՝ 0.5%, մշակույթի ոլորտի՝ 0.7%, իրավական ու բանկային՝ 0.8%, հանգստի կազմակերպման՝ 1.0% ծառայությունների սակագների հավելաճ, իսկ բնակարանային կոմունալ, կապի ծառայությունների սակագների ընդհանուր մակարդակը նախորդ ամսվա համեմատ մնացել է անփոփոխ: Հանրապետության դիտարկված 4 քաղաքներում 2014թ. նոյեմբերին հոկտեմբերի համեմատ արձանագրվել է ծառայությունների սակագների 0.3-0.1% նվազում, երկուսում՝ 0.1% հավելաճ, իսկ 5-ում, պահպանվել է
սակագների նախորդ ամսվա մակարդակը:

Մայրաքաղաքում ծառայությունների սակագները նվազել են 0.3%-ով: