«Լիվերպուլի» գլխավոր մարզիչ Բրենդան Ռոջերսը հաղորդել է, որ թիմի ավագ Սթիվեն Ջերրարդին առաջարկվել է երկարաձգել պայմանագիրն ակումբի հետ։

-Իրավիճակն այժմ այնպիսին է, որ ակումբը Ջերրարդին ու նրա ներկայացուցիչներին պայմանագիրը երկարաձգելու վերաբերյալ առաջարկ է արել։

Սթիվենն այս թիմում է 16 տարի և արժանի է անսահման հարգանքի ու պայմանները քննարկելու ժամանակի։

Իհարկե, հարցն այստեղ փողի մեջ չէ։ Ես նրա հետ հաճախ եմ զրուցում ու գիտեմ, որ դա առաջնային գործոնը չէ։ Պարզապես նա վաստակել է մինչև մինչև մրցաշրջանի ավարտը առաջարկի շուրջ մտածելու իրավունքը,-ասել է Ռոջերսը։

Ավելի վաղ հաղորդվում էր, որ ակումբի ղեկավարությունը ցանկանում է իջեցնել 34-ամյա ֆուտբոլիստի աշխատավարձը, որն այժմ շաբաթական 140.000 եվրո է։