2014 թվականի արդյունքներով` տարվա լավագույն մարզչի կոչմանը հավակնում են Մադրիդի «Ռեալի» գլխավոր մարզիչ Կարլո Անչելոտին, Գերմանիայի հավաքականի մարզիչ Յոահիմ Լյովը և Մադրիդի «Ատլետիկոյի» մարզիչ Դիեգո Սիմեոնեն: Այս մասին տեղեկանում ենք ՖԻՖԱ-ի պաշտոնական կայքից:
Կարլո Անչելոտին «Ռեալում» անցկացրած առաջին իսկ մրցաշրջանում հաղթեց Իսպանիայի գավաթի խաղարկությունում, նվաճեց ակումբի համար այդքան սպասված` Չեմպիոնների լիգայի 10-րդ գավաթը: Դիեգո Սիմեոնեի գլխավորությամբ «Ատլետիկոն» դարձավ Իսպանիայի չեմպիոն, իսկ Յոահիմ Լյովի գլխավորած Գերմանիայի հավաքականն ամռանը նվաճեց աշխարհի չեմպիոնի կոչումը:
Տարվա լավագույն մարզչի անունը կհրապարակվի 2015 թվականի հունվարի 12-ին, Ցյուրիխում կայանալիք հանդիսավոր միջոցառման ժամանակ: Հիշեցնենք, որ տարվա լավագույն մարզչի թեկնածուների ընդլայնված ցանկն ուներ հետևյալ տեսքը`
Կարլո Անչելոտի (Մադրիդի «Ռեալ»), Անտոնիո Կոնտե («Յուվենտուս», ապա` Իտալիայի հավաական), Պեպ Գվարդիոլա («Բավարիա»), Յուրգեն Կլինսման (ԱՄՆ), Յոահիմ Լյով (Գերմանիա), Ժոզե Մոուրինյո («Չելսի»), Մանուել Պելեգրինի («Մանչեսթեր Սիթի»), Ալեխանդրո Սաբելյա (Արգենտինա), Դիեգո Սիմեոնե («Ատլետիկո»), Լուի վան Գալ (Հոլանդիայի հավաքական, ապա` «Մանչեսթեր Յունայթեդ»):
