«BBC»-ի վարկածով` «Պորտուի» կիսապաշտպան Յասին Բրաիմին 2014 թվականի արդյունքներով ճանաչվել է Աֆրիկայի լավագույն ֆուտբոլիստ: 24-ամյա ֆուտբոլիստը դարձավ այս մրցանակին արժանացած առաջին ալժիրցին: ՖԻՖԱ-ի անդամ երկրների երկրպագուների քվեարկության արդյունքում Բրաիմին շրջանցել է Վինսենտ Էնյամուին, Պիեռ-Էմերիկ Օբամեյանգին, Ժերվինյոյին և Յայա Տուրեին:
«Այս մրցանակն Աֆրիկայի համար է, քանի որ այն ստացել է աֆրիկացի ֆուտբոլիստ: Ես իսկապես շատ երջանիկ եմ: Մրցանակն ինձ ուժ կհաղորդի և ավելի մեծ ցանկությամբ աշխատելու հնարավորություն կտա»,-ասել է Բրաիմին:
Հիշեցնենք, որ Ալժիրի հավաքականի կազմում Բրաիմին մասնկացեց Աշխարհի առաջնությանը, ուր հասավ մինչև 1/8 եզրափակիչ, խփեց 1 գոլ, կատարեց նույնքան գոլային փոխանցում:
