Ադրբեջանում Մեծ Բրիտանիայի դեսպան. «Հյուսիսայի Իռլանդիայի հակամարտությունը շատ է տարբերվում ԼՂ հիմնախնդրից»
Նմանատիպ
«Մեծ Բրիտանիան չի հանդիսանում բանակցային գործընթացի առաջնային խաղացողներից: Այդ հարցով զբաղվում է ԵԱՀԿ Մինսկի խումբը, մասնավորապես՝ երեք համանախագահները»: Այս մասին «1news.az» կայքին տված հարցազրույցում նշել է Ադրբեջանում Մեծ Բրիտանիայի դեսպան Փիթեր Բեյթմանը`պատասխաներով արցախյան հիմնախնդրի կարգավորման հարցում Մեծ Բրիտանիայի ունեցած դերի մասին հարցին:
«Մենք աջակցում ենք Մինսկի խմբի համանախագահներին հակամարտության խաղաղ կարգավորման հարցում: Եվ մենք պատրաստ ենք մեր եվրոպացի գործընկերների հետ անել ամեն հնարավորը հակամարտությունը խաղաղ ճանապարհով կարգավորելու հարմար»,- ասել է Մեծ Բրիտանիայի դեսպանը:
Այն հարցին, թե արդյոք հնարավոր է Արցախյան հակամարտության կարգավորման հարցում օգտագործել Հյուսիսային Իռլանդիայի և Մեծ Բրիտանիայի միջև հակամարտության լուծման փորձը՝ Փ.Բեյթմանը նկատել է, որ Հյուսիսային Իռլանդիայի խնդիրները որոշ հանգամանքներից էին ծագել, և դրանք շատ են տարբերվում Արցախյան հակամարտությունից:
«Կարծում եմ, որ շատ քիչ նմանություններ կան այս երկու հակամարտությունների միջև: Կան որոշ դասեր՝ քաղված մեր փորձից, որոնք կարող են որոշակի կապ ունենալ ցանկացած հակամարտության հետ»,- ասել է դեսպանը:
Հետևեք մեզ նաև Telegram-ում