Մեր աշակերտների օլիմպիական հաջողությունները շարունակվում են: Սեպտեմբերի 23-ից Իտալիայի Միլան քաղաքում մեկնարկել է Ինֆորմատիկայի միջազգային 24-րդ օլիմպիադան, որին մասնակցել են 304 աշակերտ 81 երկրից:
Ինչպես հայտնում են ԿԳՆ տեղեկատվության և հասարակայնության հետ կապերի վարչությունից, հայ աշակերտներն արժանացել են երկու բրոնզե մեդալի: Բրոնզե մեդալների են արժանացել Ա.Շահինյանի անվան ֆիզմաթ դպրոցի սան Տիգրան Մամիկոնյանը և Գորիսի թիվ 4 ավագ դպրոցի սան Հրայր Հարությունյանը:
Այսպիսով, 2012թվականին Հայաստանի հավաքականը միջազգային օլիմպիադաներում արդեն նվաճել են 12 մեդալ’ 1 արծաթ և 11 բրոնզ: Աստղագիտության միջազգային օլիմպիադան դեռ առջևում է:
