Սիսիան-Գորիս ավտոճանապարհին մեքենան ընկել է ձորակը

Սիսիան-Գորիս ավտոճանապարհին մեքենան ընկել է ձորակը, ինչի հետևանքով մահացել է մեքենայի 56-ամյա վարորդը: Ինչպես տեղեկացրին ՀՀ ՏԿԱԻ նախարարության լրատվական ծառայությունից, հունիսի 13-ին, ժամը 06.54-ին տեղեկություն է ստացվել, որ Սիսիան-Գորիս ավտոճանապարհին տեղի է ունեցել ՃՏՊ. կա տուժած և անհրաժեշտ է փրկարարների օգնությունը: Դեպքի վայր է մեկնել մեկ մարտական հաշվարկ:

Պարզվել է, որ Մ-2 ավտոճանապարհի Սիսիան-Գորիս հատվածի 7-րդ կմ-ին «Տոյոտա» մակնիշի 80 CC 888 պետհամարանիշով ավտոմեքենան դուրս է եկել ավտոճանապարհի երթևեկելի հատվածից և մոտ 20 մ սահել հարակից ձորակը, ինչի հետևանքով վարորդը` 1959 թ. ծնված Ա.Չ.-ն, տարբեր աստիճանի մարմնական վնասվածքներով հոսպիտալացվել է Սիսիան քաղաքի ԲԿ, որտեղ մահացել է:

Հրշեջ-փրկարարները հոսանքազրկել են ավտոմեքենան և փակել գազի բալոնի փականը: