Մոուտինյու. Հայաստանից հեռանում ենք այն արդյունքով, որին ձգտում էինք

Պորտուգալիայի հավաքականի կիսապաշտպան Ժոաու Մոուտինյուն Եվրոպայի 2016 թվականի առաջնության ընտրական փուլի` Հայաստանի հավաքականի հետ խաղի վերաբերյալ իր մեկնաբանությունն է տվել: Ժոաուն գովաբանել է Կրիշտիանու Ռոնալդուին, ում հեթ-տրիկի շնորհիվ Պորտուգալիան հաղթեց 3:2 հաշվով:

-Գիտեինք, որ մեր մրցակիցը լավ թիմ է, որն ամեն ինչ անում է Եվրոպայի առաջնությանը մասնակցելու համար: Առաջին խաղակեսում նրանք մեզանից լավ խաղացին, բայց հետո կարողացանք մեր խաղը ցուցադրել: Մենք միասնական էինք անգամ այն ժամանակ, երբ մնացինք տասը հոգով: Հայաստանից հեռանում ենք հաղթանակով և այն արդյունքով, որին ձգտում էինք: 

Ռոնալդու՞ն… Երբ թիմում նման ֆուտբոլիստ կա, խաղի ելքը կարելի է վճռել ցանկացած պահի: Բարեբախտաբար, այսօր նա երեք գոլ խփեց և ապահովեց մեր հաղթանակը,-հանդիպումից հետո լրագրողների հետ զրույցում ասել է Մոուտինյուն: