Ռոնալդու. Ցանկանում եմ այս ուրախ պահը կիսել բոլոր թիմակիցներիս հետ

Պորտուգալիայի հավաքականի հարձակվող Կրիշտիանու Ռոնալդուն Հայաստանի հավաքականի հետ խաղից հետո գրառում է կատարել Twitter-ի իր պաշտոնական էջում: Հիշեցնենք, որ Եվրոպայի 2016 թվականի առաջնության որակավորման փուլի` Հայաստան-Պորտուգալիա հանդիպումն ավարտվեց 2:3 հաշվով, իսկ Ռոնալդուն դարձավ հեթ-տրիկի հեղինակ:

-Հեթ-տրիկ ձևակերպելը հիանալի է: Մենք մեծ քայլ կատարեցինք Եվրոպայի առաջնությանը մասնակցելու համար: Ցանկանում եմ այս ուրախ պահը կիսել բոլոր թիմակիցներիս հետ,-ասում է Ռոնալդուն:

Նշենք նաև, որ Պորտուգալիայի հավաքականի գլխավոր մարզիչ Ֆերնանդու Սանտուշի որոշմամբ Ռոնալդուն չի մասնակցի Իտալիայի ընտրանու հետ հունիսի 16-ին կայանալիք ընկերական խաղին: