Բաքու 2015. Կիսաեզրափակչում Միհրան Հարությունյանը կմրցի ադրբեջանցու հետ
14/06/2015 12:32
Նմանատիպ
Բաքվում ընթացող առաջին Եվրոպական խաղերի մրցումային երկրորդ օրը դեռևս հաղթական է հայ ըմբիշների համար:
66 կգ քաշային կարգում Հայաստանը ներկայացնող Միհրան Հարությունյանի առաջին մրցակիցը 1/16 եզրափակչում իսպանացի Նավարո Սանչեսն էր, ում նկատմամբ Միհրանը առավելության հասավ 6:0 հաշվով: 1/8 եզրափակչում Միհրան Հարությունյանը հանդիպեց բուլղարացի Կոնստանտին Ստասի հետ, ում ընդամենը 1 րոպե 16 վայրկյանի ընթացքում հաղթեց 8:0 հաշվով՝ գոտեմարտը ավարտելով ժամանակից շուտ:
Քառորդ եզրափակչում Միրհան Հարությունյանի մրցակիցը սերբ Ալեքսանդր Մաքսիմովիչն էր, ում ևս մեր ըմբիշը հաղթեց: Արձանագրվեց 9:1 հաշիվը, և գոտեմարտն ավարտվեց ժամանակից շուտ: Կիսաեզրափակչում Միհրանի մրցակիցը կլինի ադրբեջանցի Հասան Ալիևը:
Հետևեք մեզ նաև Telegram-ում