Չեխը մոտ է «Արսենալ» տեղափոխվելուն

Լոնդոնի «Չելսիի» դարպասապահ Պետր Չեխը, ամենայն հավանականությամբ, կտեղափոխվի «Արսենալ»։

33-ամյա դարպասապահի հետ «զինագործների» բանակցությունները հաջող են ընթանում, գործարքի գումարը գնահատվում է մոտ 10 մլն ֆունտ, հաղորդում է «The Telegraph» պարբերականը։ Աղբյուրը հայտնում է, որ «Չելսի» սեփականատեր Ռոման Աբրամովիչն անձամբ է համաձայնություն տվել Չեխի տեղափոխությանը։

Նշվում է, որ «Արսենալին» մնացել է դարպասապահի հետ համաձայնեցնել անձնական պայմանագրի մանրամասները, սակայն դա ավելի շատ ձևական բնույթ է կրում։ Հավանական է, որ «Արսենալից» հեռանա դարպասապահ Դավիդ Օսպինան, ում ծառայությունները հետաքրքրում են «Ֆեներբախչեին»։