Դի Մարիա. Բոլոր տիտղոսներս կփոխարինեի հավաքականում հաջողության հասնելու հետ
Նմանատիպ
«Մանչեսթեր Յունայթեդի» կիսապաշտպան Անխել դի Մարիան հայտարարել է, որ իր բոլոր տիտղոսները պատրաստ է փոխարինել Արգենտինայի հավաքականի կազմում հաջողության հասնելու հետ: Հիշեցնենք, որ Մունդիալ-2014-ի եզրափակչում Արգենտինան նվազագույն հաշվով պարտվեց Գերմանիային, իսկ այժմ մասնակցում է Ամերիկայի գավաթի խաղարկությանը:
-Անկեղծ ասած` ես իմ բոլոր տիտղոսները կփոխարինեի հավաքականի կազմում հաջողության հասնելու հետ: Աշխարհի առաջնության ժամանակ մենք հաջողությունից մեկ քայլ էինք այս կողմ, թվում էր` Աշխարհի գավաթը մեր ձեռքերում է: Կարծում եմ` հավաքականի կազմում տիտղոս նվաճելուց յուրահատուկ բան չի կարող լինել:
Բարդ է համեմատել հաղթանակները: Ակումբային կարիերայում ևս կարող ես վառ հաջողությունների հասնել: Ակումբային մակարդակում «Ռեալի» կազմում Չեմպիոնների լիգայում տոնած հաղթանակը լավագույն պահն էր ինձ համար, բայց ամեն դեպքում չեմ կարծում, որ դա կարելի է համեմատել հավաքականի կազմում հաջողության հասնելու հետ:
Սա քո երկիրն է, դու զգում ես ազգիդ աջակցությունը: Բրազիլիայում կայացած Աշխարհի առաջնության ժամանակ դուրս գալով խաղադաշտ` գիտեինք, որ 40 մլն արգենտինացի հետևում է մեզ, միլիոնավոր մարդիկ քնում էին Բրազիլիայի փողոցներում: Նրանցից շատերը տոմսեր չունեին, բայց եկել էին Բրազիլիա մեր կողքին լինելու համար,-դի Մարիայի խոսքերը մեջբերված են Ամերիկայի գավաթի խաղարկության պաշտոնական կայքից:
Հետևեք մեզ նաև Telegram-ում
