Ալեգրի. Ուրախ եմ, որ Մանջուկիչը տեղափոխվում է «Յուվենտուս»

«Յուվենտուսի» գլխավոր մարզիչ Մասիմիլիանո Ալգերին ուրախ է, որ Մադրիդի «Ատլետիկոյի» հարձակվող Մարիո Մանջուկիչը կարիերան շարունակելու է թուրինյան ակումբում: Հիշեցնենք, որ կողմերն արդեն համաձայնություն են ձեռք բերել 29-ամյա խորվաթ ֆուտբոլիստի տեղափոխության հարցում, տրանսֆերը կարժենա 18 մլն եվրո (15 մլն եվրո + հավելավճարներ):

-Նա «Յուվենտուսում» շատ լավ կկատարի իր աշխատանքը: Մանջուկիչը գոլեր է խփել բոլոր այն թիմերում, որտեղ խաղացել է: Մենք նրա հետ պայմանագիր ենք կնքելու, քանի որ նրա պես ֆուտբոլիստի ենք ցանկանում տեսնել «Յուվենտուսում»: Ես իսկապես ուրախ եմ, քանի որ սա մեր ընտրությունն է,-Ալեգրիի խոսքը մեջբերված է «AS»-ից: