Բարաք Օբամայի գործունեությունն առավել ցածր են գնահատում ռուսաստանցիները. Pew

Ռուսաստանցիները մյուս երկրների ներկայացուցիչների համեմատ ավելի քիչ են հավատում համաշխարհային քաղաքականության վրա դրական ազդեցություն գործելու ԱՄՆ-ի նախագահ Բարաք Օբամայի ունակությանը: Դա ինչպես տեղեկացնում Է «Արմենպրես»-ը, հետեւում Է Pew Research Center կազմակերպության անցկացրած հետազոտությունից, որը նվիրված Է աշխարհում ԱՄՆ-ի նախագահի իմիջին:

Ընդհանուր առմամբ հետազոտության մեջ ներկայացված 40 երկրներում հարցման մասնակիցների 65 տոկոսը վստահ Է Օբամայի՝ միջազգային ասպարեզում ճիշտ գործելու ունակությանը, հակառակ կարծիքին Է 27 տոկոսը:

Մինչդեռ Ռուսաստանում ԱՄՆ-ի նախագահի գործողություններին հավանություն չի տալիս հարցվածների 86 տոկոսը (նրան պաշտպանում Է միայն 11 տոկոսը): Օբաման համանման գնահատականներ Է ստացել միայն պաղեստինյան տարածքներում եւ Հորդանանում (համապատասխանաբար՝ 82 տոկոս եւ 83 տոկոս):

Ինչպես նշում Է BBC-ն, ԱՄՆ-ի նախագահի վարկանիշի առավել զգալի անկումը տեղի Է ունեցել Իսրայելում. այժմ ճիշտ գործելու նրա ունակությանը վստահ Է միայն 49 տոկոսը (անցյալ տարվա 71 տոկոսի փոխարեն): Քննադատներն ավելի վաղ ԱՄՆ-ի ղեկավարին մեղադրել են այն բանում, որ Իրանի հետ գործարքը հարվածի տակ Է դնում Իսրայելի անվտանգությունը:

Ինչպես ասված Է հետազոտության մեջ, աշխարհում, ընդհանուր առմամբ, ԱՄՆ-ին դրական գնահատական են տալիս: Ներկայում 40 երկրներում հարցման մասնակիցների միջին հաշվով 69 տոկոսը դրական Է վերաբերվում ԱՄՆ-ին, ինչը 4 տոկոսով բարձր Է, քան անցյալ տարի: