«Չորրորդ ինքնիշխանություն». «Հանձնարարել» են Օսկանյանի թեմայով հնարավորինս քիչ մասնավոր զրույցների բռնվել
Նմանատիպ
«ՉԻ» տեղեկություններով, պարոնայք դաշնակցականները խորհրդարանի նիստի ավարտից հետո չնախատեսված մի նիստ էլ անցկացրել են հին ընկերներից մեկի առանձնատանը: Դարակազմիկ դաշնակցականները բուռն քննարկում են անցկացրել ԱԳ նախկին նախարար Վարդան Օսկանյանի դեմ սկսված արշավի հետ կապված ու տեսակետներ հնչեցրել, որ այս քայլով իշխանությունները հարվածի տակ են դնում իրենց միջազգային վարկն ու հեղինակությունը: Ինչպես նաև ՀՀ քաղաքական գործընթացների մեջ փորձում են որպես «քավության նոխազներ» ընտրել առավել բարեկիրթ ու ցիվիլ տեսակների’ կարծելով, թե իրենց գծած անազնիվ խաղադաշտում հնարավոր է նրանք ավելի շատ սխալներ թույլ տան, ինչը իշխանություններին թույլ կտա ընդլայնվելու և զույգ քայլերով առաջ գնալու համար:
Վարդան Օսկանյանի դեմ հայտարարված «պատերազմը» դատապարտելով հանդերձ’ հին ընկերները իրենց գործարար հատվածին ապահովության համար «հանձնարարել» են այս օրերին Վարդան Օսկանյանի թեմայով հնարավորինս քիչ մասնավոր զրույցների բռնվել այլ քաղաքական թիմերի պատգամավորների, այդ թվում’ նաև իրենց մտերիմ շրջապատի հետ: Քանի որ, ըստ հին ընկերների, այս օրերին իրենց «բինոկլով» են նայում: