Այսօր առավոտից «Արմենիա միջազգային օդանավակայաններ» ընկերությունը կասեցրել էր «Արմավիա» ավիաընկերության թռիչքները պարտքի պատճառով: Այժմ հաղորդվում է, որ Զվարթնոց օդանավակայանը վերսկսել է ավիաընկերության չվերթերի սպասարկումը
«Արմավիա»ն այսօր վճարել է 40 միլիոն դրամ: Այժմ ընթացիկ պարտքը կազմել է 3 միլիոն 160 հազար դոլար:
Ընկերությունը պաշտոնապես խոստացել է վաղը փոխանցել մնացյալ փողը, եւ պարտքը իջեցնել մինչեւ 3 միլիոն դոլար: Զվարթնոցը հավատացել է ավիաընկերությանը եւ ընդառաջել է: Թռիչքները վերականգնված են:
