Հայաստանը շահագրգռված է ակտիվացնելու Ֆիլիպինների հետ քաղաքական երկխոսությունը. ՀՀ նախագահ
Նմանատիպ
Նախագահ Սերժ Սարգսյանին սեպտեմբերի 9-ին իր հավատարմագրերն է հանձնել Հայաստանի Հանրապետությունում Ֆիլիպինների Հանրապետության նորանշանակ արտակարգ և լիազոր դեսպան Կարլոս Դ. Սորրետան (նստավայրը՝ Մոսկվա):
Ինչպես տեղեկացրին ՀՀ նախագահի աշխատակազմի հասարակայնության եւ տեղեկատվության միջոցների հետ կապերի վարչությունից, Նախագահը շնորհավորել է դեսպանին նշանակման կապակցությամբ և հույս հայտնել, որ պաշտոնավարման ընթացքում նա իր փորձն ու կարողություններն ամբողջությամբ կներդնի Հայաստանի և Ֆիլիպինների միջև հարաբերությունների զարգացման և երկու ժողովուրդների բարեկամության ամրապնդման գործում:
Սերժ Սարգսյանն ընդգծել է, որ Հայաստանը շահագրգռված է ակտիվացնելու Ֆիլիպինների հետ քաղաքական երկխոսություն ը, սերտացնելու կապերը միջխորհրդարանական և միջկառավարական մակարդակներում, զարգացնելու համագործակցությունը տնտեսական, մշակութային, գիտակրթական և այլ ոլորտներում, որտեղ, Հանրապետության Նախագահի համոզմամբ, զգալի աշխատանք կա իրականացնելու: Տարբեր ոլորտներում փոխգործակցությունը խթանելու համար Նախագահը կարևորել է երկկողմ հաճախակի շփումներն ու փոխայցելությունները, որոնք, ըստ նրա, կօգնեն ճանաչել փոխադարձ շահերն ու հետաքրքրությունները, ինչպես նաև կնպաստեն միջազգային կառույցներում միմյանց օգտակար լինելու համար համապատասխան դիրքորոշու մների ձևավորմանը:
Դեսպան Սորրետան վստահեցրել է, որ առավելագույն ջանք կներդնի հայ-ֆիլիպինյան հարաբերությունները զարգացնելու համար և տեղեկացրել է ՀՀ Նախագահին, որ արդեն իսկ այդ նպատակով հանդիպումներ է ունեցել Հայաստանում՝ այս ընթացքում կենտրոնացնելով աշխատանքը հնարավոր երկկողմ համաձայնագրերի մշակման ուղղությամբ:Նախագահ Սերժ Սարգսյանը հաջողություններ է մաղթել դեսպանին՝ մեր երկրում դիվանագիտական առաքելությունն իրականացնելու գործում:
Հետևեք մեզ նաև Telegram-ում