0.1 C
Yerevan

ՀՀ տնտեսության աճ ապահոված բոլոր ոլորտներում ավելացել են նաև հարկային եկամուտները

Նմանատիպ

Պուտինի սպառնալիքները Մեծ Բրիտանիային․ Միջազգային լրահոս

Տարածաշրջանային և միջազգային կարևոր զարգացումները Times.am-ի դիտակետից։ Ի՞նչ է...

Տարածաշրջանն անցած շաբաթ

Times.am-ը շարունակում է ուշադիր հետևել Հայաստանում և նրա շուրջը...

ԵՄ-ն չգիտի, թե ով է հարձակվել Սպահանի վրա

ԵՄ արտաքին ծառայության խոսնակ Պիտեր Ստանոն ասել է, որ...

Հայաստանում չկա մի ոլորտ, որը հարկային դաշտից դուրս է: Այն ոլորտներում, որտեղ արձանագրվել է աճ, առկա է հարկային եկամուտների աճ: Այս մասին Ազգային ժողովի ամբիոնից կառավարություն-ԱԺ հարցուպատասխանի ժամանակ հայտարարեց ՀՀ ֆինանսների նախարար Գագիկ Խաչատրյանը: «Մենք չենք դիմում կոշտ վարչարարության, քանի որ այն կարող է ունենալ բացասական հետևանքներ այս պայմաններում: Կառավարման մեր որդեգրած մոդելը հնարավորություն է տալիս ասել, որ մեր տնտեսությունը կառավարելի վիճակում է գտնվում»,- «Արմենպրես»-ի փոխանցմամբ` նշեց ֆինանսների նախարարը:

Անդրադառնալով դիտարկմանը, թե ինչպես է Հայաստանում 4.5 տոկոս տնտեսական աճ գրանցվել այն պայմաններում, երբ հարկային մուտքերը չեն ապահովվել` Գագիկ Խաչատրյանը նշեց, որ ՀՆԱ-ի աճի տեմպերն ուղղակիորեն ազդեցություն չունեն հարկային մուտքերի վրա: «Երբ խորանում ենք ՀՆԱ-ի կառուցվածքի մեջ, տեսնում ենք, որ դրանում գերակշռում է գյուղատնտեսական արտադրանքի ծավալի աճը, որն ազատված է հարկերից, զվարճությունների ոլորտը, որը հաստատագրված վճարով է հարկվում և անհատական բնակարաշինությունը, որտեղ հարկային մուտքերն առավել չեն կարող լինել»,- նկատեց Գագիկ Խաչատրյանը: Նա տեղեկացրեց, որ, որպես ֆինանսների նախարար, իր պաշտոնավարման ժամանակահատվածում հարկերը 505 միլիարդից հասել են 1 տրիլիոն 140 միլիարդ դրամի: «Հարկերը չեն ավելանում, քանի որ ԵԱՏՄ-ին Հայաստանի անդամակցությունից հետո, հաշվի առնելով արտաքին աշխարհում տեղի ունեցող իրադարձությունները, ներմուծման կտրուկ աճի փոփոխման պայմաններում չենք կարող ակնկալել ավելի մեծ հարկային եկամուտներ, քան ունենք»,- նշեց ֆինանսների նախարարը:

Գագիկ Խաչատրյանն անդրադարձավ աշխարհի փորձին` նշելով, որ տարբեր երկրներում նույն միտումը կա, երբ, օրինակ, եվրոպական երկրներում ՀՆԱ-ն աճում է, բայց հարկեր-ՀՆԱ հարաբերակցությունը նվազում է:

spot_imgspot_img
spot_imgspot_img

Նմանատիպ

Նմանատիպ

Պուտինի սպառնալիքները Մեծ Բրիտանիային․ Միջազգային լրահոս

Տարածաշրջանային և միջազգային կարևոր զարգացումները Times.am-ի դիտակետից։ Ի՞նչ է...

Տարածաշրջանն անցած շաբաթ

Times.am-ը շարունակում է ուշադիր հետևել Հայաստանում և նրա շուրջը...

ԵՄ-ն չգիտի, թե ով է հարձակվել Սպահանի վրա

ԵՄ արտաքին ծառայության խոսնակ Պիտեր Ստանոն ասել է, որ...