Երևանի և Կահիրեի միջեւ անմիջական կապերը կզարգանան
23/10/2012 18:08
Նմանատիպ
Հոկտեմբերի 23-ին Եգիպտոսում ՀՀ դեսպան Արմեն Մելքոնյանը հանդիպում ունեցավ Կահիրեի նորանշանակ նահանգապետ Ուսամա Ահմադ Քամալի հետ, հաղորդում են ԱԳՆ մամլո ծառայությունից:
Հանդիպման ընթացքում քննարկվեցին Երևանի եւ Կահիրեի միջեւ անմիջական կապերի զարգացմանը, մասնավորապես’ երկու քաղաքների միջեւ իրավական փաստաթղթի ստորագրման, փոխայցելությունների ակտիվացմանն ու փոխադարձ միջոցառումների իրականացմանն առնչվող հարցեր: Զրուցակիցները հեռանկարային համարեցին համագործակցությունը զբոսաշրջության եւ մշակույթի բնագավառներում:
Երկուստեք բարձր գնահատվեց դարերի ընթացքում եգիպտահայերի նշանակալից ներդրումը Կահիրեի մշակութային-հասարակական կյանքում:
Հետևեք մեզ նաև Telegram-ում