0.1 C
Yerevan

Լեհաստանի Կլեբարկ քաղաքում կայացել են Ցեղասպանության 100-րդ տարելիցին նվիրված միջոցառումներ

Նմանատիպ

«Թուրքիայում երկրաշարժի զոհերի թիվը հասել է 9057-ի». Էրդողան

Այս մասին Թուրքիայի նախագահ Ռեջեփ Թայիփ Էրդողանը հայտարարել է...

«Հանեք ինձ այստեղից… ու ես կդառնամ ձեր ծառան». մի լուսանկարի պատմություն

Այս լուսանկարը տարածվեց համացանցում երկու օր առաջ՝ Թուրքիա-Սիրիա սահմանին...

Հայաստանը Թուրքիա է ուղարկել 27, Սիրիա՝ 29 փրկարար

Հայաստանը փետրվարի 6-ի երկրաշարժից տուժած երկրներ է ուղարկել ընդհանուր...

Լեհաստանի Կլեբարկ քաղաքի Մալթայի Ինքնիշխան Մարտական Ուխտի հովանու ներքո գտնվող Սուրբ Աստվածածին եկեղեցում նոյեմբերի 8-ին տեղի է ունեցել Սուրբ Պատարագ՝ նվիրված Հայոց ցեղասպանության 100-րդ տարելիցին: Ինչպես տեղեկացրին ՀՀ արտաքին գործերի նախարարության մամուլի, տեղեկատվության եւ հասարակայնության հետ կապի վարչությունից, պատարագին ներկա են եղել Լեհաստանում ՀՀ դեսպան Էդգար Ղազարյանը, Լեհաստանի Վարմինսկո-Մազուրսկե վոևոդության մարշալեկ Գուստավ Մարեկ Բրժեժին, Լեհաստանի մշակույթի և ազգային ժառանգության փոխնախարար Պիոտր Ժուխովսկին, Լեհաստանի սենատի անդամ, Լեհաստան-Հայաստան խորհրդարանական բարեկամության խմբի ղեկավար Լուկաշ Աբգարովիչը, Լեհաստանի Սեյմի պատգամավորներ, Լեհաստանի կառավարության և Ազգային ու էթնիկ փոքրամասնությունների համատեղ հանձնաժողովում հայ փոքրամասնության ներկայացուցիչ Էդվարդ Միեր-Ենդժեյովիչը, Մալթայի Ինքնիշխան Մարտական Ուխտի ասպետներ, տեղական և մարզային իշխանությունների, Լեհաստանի Վարշավա, Էլբլոնգ, Լոդձ, Վորցլավ, Պոզնան և այլ քաղաքների հայ համայնքների ներկայացուցիչներ, լրագրողներ:

Հայոց ցեղասպանության 100-րդ տարելիցին նվիրված Սուրբ Պատարագը մատուցվել է Արքեպիսկոպոս Էդմունդ Պիշչի ձեռամբ, որի ընթացքում հոգևոր առաջնորդը Հայոց ցեղասպանությանը վերաբերող ծավալուն ելույթով է հանդես եկել:

Արարողությունից հետո ելույթով է հանդես եկել Լեհաստանում ՀՀ դեսպան Էդգար Ղազարյանը, ով շնորհակալություն է հայտնել արարողության բոլոր կազմակերպիչներին և մասնակիցներին իրենց աղոթքների և համամարդկային 100-ամյա ողբերգության հանդեպ իրենց հարգանքի և մարդկային վերաբերմունքի համար: Դեսպանը ծաղիկներ է զետեղել Կլեբարկի եկեղեցու առջև տեղադրված հայկական խաչքարի, ինչպես նաև Հռոմի Սուրբ Հովհաննես Երկրորդ Պապի արձանի առջև:

Նույն օրը տեղի է ունեցել Հայոց ցեղասպանությանը և հայկական մշակութային ժառանգության թեմայով գիտական քննարկում, որի ընթացքում ելույթներով հանդես են եկել Լեհահայոց մշակութային ժառանգության հիմնադրամի փոխնախագահ Արմեն Արտվիխը և Մալթայի ասպետների ասոցիացիայի ռեկտոր Հայր Հենրի Բուաշչեկը:

Օրվա խորհրդով, ինչպես նաև Հայոց ցեղասպանության 100-րդ տարելիցի կապակցությամբ, Մալթայի ասպետների ասոցիացիայի կողմից թողարկվել է հատուկ նամականիշ և փոստային բացիկ, որը բաժանվել է արարողության բոլոր մասնակիցներին:

spot_imgspot_img
spot_imgspot_img

Նմանատիպ

Նմանատիպ

«Թուրքիայում երկրաշարժի զոհերի թիվը հասել է 9057-ի». Էրդողան

Այս մասին Թուրքիայի նախագահ Ռեջեփ Թայիփ Էրդողանը հայտարարել է...

«Հանեք ինձ այստեղից… ու ես կդառնամ ձեր ծառան». մի լուսանկարի պատմություն

Այս լուսանկարը տարածվեց համացանցում երկու օր առաջ՝ Թուրքիա-Սիրիա սահմանին...

Հայաստանը Թուրքիա է ուղարկել 27, Սիրիա՝ 29 փրկարար

Հայաստանը փետրվարի 6-ի երկրաշարժից տուժած երկրներ է ուղարկել ընդհանուր...