Սկոլարի. Ամեն դեպքում «Բարսելոնան» մեզ ավելի քիչ գոլ խփեց, քան «Ռեալին»

Չինական «Գուանչժոու Էվերգրանդի» գլխավոր մարզիչ Լուիս Ֆելիպե Սկոլարին աշխարհի ակումբային առաջնության կիսաեզրափակչում «Բարսելոնայից» կրած 0:3 հաշվով պարտության մեջ կարողացել է տեսնել ոչ միայն բացասականը։ Չինական ակումբի բրազիլացի մարզիչն իրենց արտության առնչությամբ հիշել է Մադրիդի «Ռեալին»։

-Մենք պարտվեցինք 0:3 հաշվով, սակայն այդ պարտությունն այնքան էլ շատ չի տարբերվում այլ ուժեղ ակումբների՝ «Բարսելոնայից» կրած պարտություններից։ Ծայրահեղ դեպքում, մեզ չորս գոլ չխփեցին, ինչպես «Ռեալին»,-ասել է Սկոլարին «AS»-ի փոխանցմամբ։

Հիշեցնենք, որ «Բարսելոնան» Իսպանիայի առաջնության 12-րդ տուրում 4:0 հաշվով էր հաղթել «Ռեալին»։ Աշխարհի ակումբային առաջնության եզրափակչում կատալոնական ակումբը դեկտեմբերի 20-ին կհանդիպի արգենտինական «Ռիվեր Փլեյթին»։