Մոուրինյուն ցանկանում է գլխավորել «Ման. Յունայթեդը»
19/12/2015 10:38
Նմանատիպ
Լոնդոնի «Չելսիի» արդեն նախկին գլխավոր մարզիչ Ժոզե Մոուրինյուն ցանկանում է գլխավորել «Մանչեսթեր Յունայթեդը»։
Պորտուգալացի մասնագետի ներկայացուցիչները արդեն սկսել են աշխատել այդ ուղղությամբ։ Մոուրինյուի հավանական ժամանումը թիմ ակտիվորեն քննարկվում է նաև «մանկունիացիների» ղեկավարությունում։ Որոշները կարծում են, որ պորտուգալացի մասնագետի ֆուտբոլային փիլիսոփայությունը համապատասխանում է «Մանչեսթեր Յունայթեդին»։
Հաղորդվում է, որ «Ման. Յունայթեդի» ղեկավարությունն արդեն վստահ չէ, որ Լուի վան Գալը կարող է աշխատել ակումբում մինչև իր պայմանագրի ավարտը՝ 2017 թվականը։
Անգլիական ակումբի ներկայացուցիչներն կապ են հաստատել նաև «Բավարիայի» գլխավոր մարզիչ Խոսեպ Գվարդիոլայի հետ, սակայն նրան ձեռք բերելու հիմնական հավակնորդը համարվում է «Մանչեսթեր Սիթին»։
Հետևեք մեզ նաև Telegram-ում