Իվանովիչ. Ամենաշատը ցանկանում եմ հաղթել Ավստրալիայի Բաց առաջնությունում կամ Ուիմբլդոնում
22/12/2015 15:55
Նմանատիպ
Սերբ թենիսիստուհի Անա Իվանովիչը մտադիր է նոր մրցաշրջանում հաղթել «Մեծ սաղավարտի» մրցաշարերից որևէ մեկում: «Ռոլան Գարրոս 2008»-ի չեմպիոնուհին 2015 թվականի ընթացքում զգալի հաջողությունների չի հասել:
-Ես ցանկանում եմ հաղթել «Մեծ սաղավարտի» մրցաշարերում: Արդեն մեկ անգամ նման հաջողության հասել եմ և եղել եմ աշխարհի առաջին ռակետը, բայց մարդիկ միշտ քեզ հիշում են տիտղոսներով, ոչ թե վարկանիշով:
«Մեծ սաղավարտի» մրցաշարերից ցանկացածում հաղթելը մեծ իրադարձություն է, բայց ամենաշատը ցանկանում եմ հաղթել Ավստրալիայի Բաց առաջնությունում կամ Ուիմբլդոնում: Օլիմպիական խաղերը ևս ինձ մոտիվացնում են. հրաշալի կլինի, եթե կարողանամ երկրիս համար մեդալ նվաճել,-Իվանովիչի խոսքը մեջբերված է «NZ Herald»-ից:
Հետևեք մեզ նաև Telegram-ում