Դյուրանտը չի մտածում «Օկլահոմայից» հեռանալու մասին
18/03/2016 20:24
Նմանատիպ
«Օկլահոմա Սիթիի» բասկետբոլիստ Կևին Դյուրանտը հայտարարել է, որ այլ ակումբում հանդես գալու մտադրություն չունի: Դյուրանտը հասկացրել է, որ իր համար առաջնայինը բասկետբոլ խաղալն է, ոչ թե գումար վաստակելը:
«Ես սիրում եմ «Օկլահոմա Սիթին»: Հաշվի առնելով մարքեթինգային պայմանները, սոցիալական ցանցերի արագ զարգացումը և այն, որ այժմ առհասարակ ամեն ինչ զարգանում է՝ հնարավոր է հայտնի դառնալ ցանկացած վայրում: Այստեղ հանդես գալով՝ ես ստացել եմ այն, ինչ ցանկացել եմ:
Իմ նպատակը բասկետբոլ խաղալն է, և ես ցանկանում եմ դրանից հաճույք ստանալ: Ինձ չեն անհանգստացնում այն մտքերը, թե մարզաշապիկներիցս քանիսը կվաճառվեն կամ ի վերջո որտեղ կհայտնվեմ: Ընդամենը ցանկանում եմ խաղալ, շարունակել նույն ոգով»,-Դյուրանտի խոսքը մեջբերված է «NewsOK»-ից:
Հետևեք մեզ նաև Telegram-ում