Բուֆֆոնը պատմական ռեկորդ է սահմանել

«Յուվենտուսի» դարպասապահ Ջանլուիջի Բուֆֆոնը Իտալիայի առաջնության ռեկորդ է սահմանել։

Թուրինյան ակումբի ավագն անցկացրել է մրցաշարի պատմության ամենաերկար «չոր» շարքը՝ 974 րոպե առանց բաց թողած գնդակների։ Նախկին ռեկորդը պատկանում էր «Միլանի» դարպասապահ Սեբաստյանո Ռոսիին, ով 1993-94թթ. մրցաշրջանում 929 րոպե գոլ չէր ընդունել։

Բուֆֆոնի չոր շարքը «Տորինոյի» հետ երեկ տեղի ունեցած խաղից առաջ 926 րոպե էր։ Ռեկորդը գերազանցելու համար նրան պետք էր գոլ չընդունել հանդիպման մեկնարկային 4 րոպեներին, ինչը իտալացուն հաջողվեց։ Հանդիպման 48-րդ րոպեին «Տորինոյի» ֆուտբոլիստ Անդրեա Բելոտին ընդհատեց այդ շարքը՝ դիպուկ իրացնելով 11-մետրանոցը։